Skip to main content

Posts

Showing posts from February, 2012

أوراق الخريف

تلك الأغنية، التي تشبهنا، وأنتِ تحبيها  و أنا أحبها . و عشنا  كلانا معاً ، وأنتِ أحببتني  و أنا أحببتك .  و لكن الحياة تفرق  بين المتحابين رويداً  رويداً و يمحو البحر من على الرمال أثار أقدام العشاق  المفترقين !!!* ___________________

ترجمتي الخاصة من الفرنسية للعربية لكلمات أغنية  Les Feuilles Mortes - الأوراق الذابلة

عن ريال مدريد و روسيا و البتنجان المخلل

بوست من صفحة "أنا سلفي وما بعضش ولا بضرب" على الفيسبوك : الرابط فريق ريال مدريد الإسبانى كان بيلعب فى روسيا و لكن الغريب فى T-Shirt الفريق إن مفيش عليه إعلان الراعى الرسمى للفريق اللى هوا شركة BWIN عارف ليه ؟
.
.
.
.
.
.
عشان الشركة دى شركة قمار و روسيا بتمنع إعلانات القمار
بعد كده محدش يقول السائح اللى يدخل البلاد المسلمة لازم ياخد راحته و يعمل اللى على مزاجه

سبحان الله

منقول



و حياة أمي الناس ديه هتنقطني !!!! نموذج لتحول المنطق الى بتنجان مخلل !!!

أولا بس عشان نبقى واضحين :القمار في رأيي من أوسخ الأنشطة اللي اتعملت
في تاريخ البشرية و كارثة اجتماعية و اقتصادية تخرب أي مجتمع )

ثانيا بقى :
1- ريال مدريد ماكانش رايح روسيا "سياحة" و لا فسحة..ديه "رحلة عمل" .
2-تنظيم المباريات في أي بطولة قارية بيبقى بالتعاون مع الاتحاد صاحب الأرض و اللي بدوره ما يقدرش يخالف قوانين دولته .
3-القمار في روسيا
عمل مشكلة اقتصاديه كبيرة جدا(ببحث بسيط على النت تقدر تعرف حجم و أبعد مشكلة روسيا مع القمار) و ده كان السبب الرئيسي في الغاؤه ...(أما انتا فبتشحت ناس يجولك عشان ماعندكش غير ا…

يحدث في الشرق الأوسط

المكان : مقهى تقليدي في الشرق الأوسط  الزمان : خلال ال40 سنة الماضية و حتى الان


شخص1 : يا سيدي الفاضل...يعني هوا الدين بقى لحية و جلابية خلاص طبعا 
شخص2 : لأ يا عم طبعاً..ما ياما ناس مربين دقنهم و ياكلو مال النبي 
شخص1 : يووووووووه...ما تعدش...المشكلة إنها بقت ديكور...أي حد عايز يدي نفسه هيبة يضرب الدقن المتينة .
شخص2   :  الكارثة في الناس نفسها ..اللي لو حتى بواب بيتهم ربى دقنه بيقولوا يا "شيخ" ..بقو هم اللي بيشجعوا المدعين دول على كده 
شخص1: أكيد...ساب دقنه شوية من غير حلاقة و خد لقب و احترام من غير أي حاجة
(يتعالي صوت التلفزيون في الخلفيه حيث يعرض مشهد من فيلم عربي يقوم به أحد الممثلين بتمثيل شخصية رجل ملتحي)
شخص1 و شخص2 (في نفس واحد) : شفت ولاد الكلب....بيتريئو على الملتزمين...الدقن ديه سنة مؤكده يا جدعان ! كله إلا الدين ! 
***تمت***

ضد السلطة