Skip to main content

١٨ يوم تدوين

<< البوست ده مش هيبقى مقال أو ترجمة أو حتى قصة قصيرة...هو تدوينة بالمعنى الواسع و العام للكلمة ...هي تدوينة لستاتسز أو تويتس من على  حسابي على الفيسبوك أو تويتر خلال فترة ال 18 يوم في السنة الثانية للثورة . ال 18 يوم اللي بدأوا بيوم 25 يناير و انتهوا ب 11 فبراير يوم تنحي مبارك ، عشان كده البوست ده هيبقى عرضة للتغيير بصفة كبيرة طول الايام اللي جاية و حتى يوم 11 فبراير . الفترة ديه أنا حاسس إن بيجيلي أفكار مهمة  - على الاقل بالنسبة لي- لأسباب لا تخفى على أحد ..و متهيألي هتبقى خسارة لو سبتاها تضيع في الـ social networks >>


  -الثلاثاء 24 يناير 2012 11:07مساءاً :
في نفس الليلة ديه ...يوم 24 يناير 2011 كنت في مكتبة الشروق فرع الزمالك باحضر ندوة لأبويا الروحي جلال أمين ...لسه فاكر كل تفصيلة حصلت في الليلة ديه...يااااام ...مش مصدق إن عدا عليها سنة كاملة !
                                                           
  -الثلاثاء 24 يناير 2012 11:23مساءاً :
و هيا ديه باختصار "ثورتنا"...أنا مش باتكلم على المحتوى...باتكلم على الفكرة...ثورتنا هي فيديو على اليوتيوب....ستاتس على الفيسبوك ..أو تويتة على تويتر ...و على أد ما هيا سهلة قوي بالنسبة لنا..فهيا معضلة بالنسبة لكو !!!....عشان كده و لا عمركو هتفهموا ....و عشان كده الثورة هتفضل مستمرة !   

  -الثلاثاء 24 يناير 2012 11:25 مساءاً :
حد غيري حاسس إن بكرة "العيد" ؟؟؟؟؟ :)
  -الثلاثاء 24 يناير 2012 11:29مساءاً :
أقسم بالله ...و لو أي حد بيقرا الكلام ده و عنده و لو 1% ثقة فيا يصدقني....اتجاه الريح في صفنا احنا .....ماحدش بيعاند الزمن ...و عجلة الزمن بتدور في اتجاهنا...أقصى حاجة هم بيحلموا بيها إنهم بس "يبطئونا"....بكرة لينا احنا و بسسسسسسسسس
  -الثلاثاء 24 يناير 2012 11:47مساءاً :
فاكر الطوابير قدام معرض الكتاب ؟؟؟؟؟ و جوا قدام كاشير المؤسسة العربية الحديثة و هم بيشتروا العدد الجديد من "ما وراء الطبيعة"....طيب فاكر زحمة حفلة منير في الاوبرا في راس السنة...و للا حفلة وسط البلد في الساقية أول أما بدأوا ....عارف الزحمة و انتا مستني تدفع فاتورة النت في لينك أو تي إي داتا ...طيب فاكر الالاف اللي كانوا بيوقفوا البلد في ندوة زويل في الأوبرا مش عارفين يدخلوا...العربيات اللي كانت بتقفل المحور أيام ما عمرو خالد كان اختراع في حصري أكتوبر ......عارف دول كلهم....نازلين لك تاني بكرة ....و أخر مرة نزلوا أنتيمك اترمى في السجن.....يا ترى بقى انتا فاكر..25 يناير ؟؟؟
 
  -الثلاثاء 24 يناير 2012 منتصف الليل :
 فاكرين الأغنية ديه يا مجلس الحرامية ؟؟؟؟؟ ديه الأغنية اللي كنا بنرقص عليها من أقل من سنة ...بس انتو استكترتوا علينا الفرحة ....و سرقتوها مننا واحدة واحدة ....و صدقوني...عمرنا ما هننسى اللي عملتوه ....و يا احنا يا انتو
 
  - الأربعاء25 يناير 2012 8:37 مساءاً :
AT LAST I am at #occupyMaspero #jan25 #Liars #Egy_TV
 
- الخميس 26 يناير 2012 1:06 صباحاً:
#LostInThoughts #LostInWords #NoRightWords #However الثورة مستمرة #Jan25 #Egypt
 
- الجمعة27 يناير 2012 12:44 ظهراً:
#OccupyMaspero #OccupyMaspero #OccupyMaspero #OccupyMaspero #OccupyMaspero #OccupyMaspero #OccupyMaspero #OccupyMaspero #OccupyMaspero
 
- الجمعة27 يناير 2012 5:43 مساءاً:
منصة الاخوان بتشوش على بقية الهتافات بتشغيل قران بصوت عالي.منتهى الدناءة ‎#fb‏ ‎#fail
 
- الجمعة27 يناير 2012 6:22 مساءاً:
أنا ضد أي صدام مع الإخوان في الميدان.المعركة مع العسكر #NoSCAF #TAHRIR
 
- الجمعة27 يناير 2012 6:55مساءاً:
دي ثورة مش حفلة :هتافنا في مسيرة حاشدة من التحرير لماسبيرو #occupyMASPERO
 
- الجمعة27 يناير 2012 10:22مساءاً:
الثورة- و بغض النظر عن نتائجها السياسية - فجرت طاقات رهيبة من الابداع في كل المجالات عند الشباب في مصر...الكليب ده نموذج صغير منها ..عشان كده لما بأقول ان أنا متفاءل على المدى البعيد بيبقى عندي أسباب منطقية .نتايج الثورة غير قابلة للانعكاس irreversible و في وجود ال new media زي اليوتيوب و ال social networks زي الفيسبوك و تويتر هيبقى في حكم الاستحالة وقف المد الثوري ده ..و مع وجود هذه النوعية من الابداعات أعتقد أي حد هيكون لسه بيحاول يوقفها محتاج أصلا وقت عشان يفهمها الأول ..عشان كده من كام يوم كنت بأقول إن ثورتنا هي فيديو على يوتيوب أو ستاتس على فيسبوك أو تويتة على تويتر ..و على قد ما هيا سهلة أوي بالنسبة لنا هي صعبة أوي بالنسبة لهم ...و عشان كده هتفضل مستمرة !
 
- السبت28يناير 2012 08:12مساءاً:
طيب...حيث إن أنا ملاحظ إن فيه ناس كتير (سواء أونلاين أو في الشارع) كل اللي بيفكروا فيه التوافق و الاتفاق و الاتحاد و كلنا ايد واحدة و كده...و أنا لا أجد حرجاً في إنهم يعملوا حركة جديدة أو ائتلاف يسموه ائتلاف "بوسوا بعض" و يخلو أحد كبار المتفقين المتوافقين يمسكه زي "معتزبالله عبدالفتاح" مثلا ...أعتقد إنه هيحقق نجاح كبير جداً ..............يا إخواننا بلاش هبل بقى أبوس ايديكو...أنا مرارتي اتفقعت ...مافيش حاجة اسمها كلنا نتفق على حاجة واحدة ...و مافيش حاجة اسمها وسطية في كل حاجة...بطلوا اسلوب الرقص على السلم ده ...لازم يبقى ليك لون ..يبقى ليك شكل و رأي...لكن شغل الميوعة دة مش هيوصل لأي حتة ..يا ريت تشغل دماغك شوية و تختار موقف معين في أي مشكلة تكون على قدر المسؤلية فيه أمام عقلك انتا ....والأهم إنك تكون فيه على قدر المسؤلية في كونك "انسان".
 
- الأحد 28 يناير 2012:
- أنا ارفض المشاركة في مهزلة انتخابات مجلس الشورى.وقت ضائع واموال مهدرة على انتخابات لا طائل منها ولا حاجة اليها .قمة العبث #EgyElections
- لاحظت في الفترة اللي فاتت إن اصدقائي ذوو الهوى الإسلامي بيشيرو فيديو عن محمد أبوحامد النائب عن حزب المصريين الاحرار من حوالي كام سنة وهو مستضاف في قناة اقرا الاسلامية وبيتكلم عن الشرع وتعدد الزوجات وأشياء من هذا القبيل ..ومحمد أبوحامد لمن لا يعرفه كان أحد محفظي القران في جامع الحصري في العجوزة في اوائل الالفيه ...وبالتالي في ان تحوله لان يكون أحد قيادات أهم حزب علماني ظهر بعد الثورة ده أكيد شيء يثير التعجب والدهشة ....وأنا شخصيا لا اجد أي غضاضه في إن واحد يغير وجهة نظره في موضوع معين أو يغير ايديولوجيته السياسيه..بالعكس...ده في نظري دليل على التطور الفكري المستمر واللي للأسف من الحاجات النادرة جدا في الشرق كله بصفة عامة....وأحب اؤكد إني بتكلم عن تغير الأيديولجي ..يعني واحد ماركسي مثلا يبقى اسلامي زي دكتور محمد عماره أحد أهم منظري الاسلاميين في مصر واللي كان أصلا ماركسي عتيد ....وفيه مقولة مشهورة ل وينستن تشرشل أهم رئيس وزراء لبريطانيا في النص الأول من القرب العشرين :بتقول من لم يؤمن بالإشتراكية وهو شاب لا قلب له..ومن لم يؤمن بالراسمية وهو كهل لا عقل لا" وبغض النظر عن رأيك في المقولة فـفكرة التحول بين اتجاهات سياسيه أو فكرية مختلفة مفيهاش ادنى مشكلة طالما إن التحول ده لا يؤثر على المبادئ الاخلاقية العامة اللي الشخص مؤمن بيها.....ديه أول نقطة حابب اتكلم عنها...تاني نقطة بقى إن عنوان الفيديو "الفديو الصاعقة الذي يفضح محمد أبو حامد و هو ينادي بتطبيق الإسلام قبل أن يعرف ساويرس " واعتقد إن الأسلاميين على اختلاف اتجهاتهم بقى عندهم مايمكن تسميته "عقده ساويرس" وهي بصراحة جديرة بدراسة علماء علم النفس والاجتماع ...الاولى انكم تناقشو أبوحامد نفسه على سبب تحوله الفكري وتبدأو أنتم نفسكم تبصوا ليه النسبة الأكبر من المثقفين بتبعد عنكم وعن اتجاهكم الفكري وبتسلك طرق مختلفة تماما ..ده اللي المهم تعملو...انكم تراجعو نفسكم وتراجعوا منهجكم ...قبل ماييجي يوم ويبقى واضح لكل الناس مش بس المتخصصين النسبة الأكبر من نوعية البشر اللي بتنضم ليكم والنسبة الأكبر لنوعية البشر اللي بتبعد عنكم...ده متهيألي أهم كتير من القاء الاتهامات جزافا ومحاولة تشويه نزاهة إنسان دون ادنى دليل..ونصيحة تانية...فككوا من ساويرس شوية ..عشان صحتكم .
- ماسبــــــــــــــــــــــــيرو ينادي.........
- حدث في هندسة عين شمس: يعني إيه يكون في تربية عسكرية و عقيد جيش يدخل يقول :اللي ضد المجلس العسكري يقفلي .فتلاقي الدفعة كلها وقفت ! فيسكت*
______________________________
*من تويتر .
- اليوم وقفة ومسيرة من محمد محمود الى ماسبيرو الساعة 7 فى ذكر قتل 64 شهيد يوم 29 يناير ..#شير_في_الخير #OccupyMaspero #Jan25 #tahrir
- في طريقي لمسيرة محمد محمود المتجهة لماسبره الساعة 7 لو حد هيبقى هناك يا ريت يبعتلي سواء على facebook أو twitterأو sms #occupyMaspero
- يسقط حكم العسكر عملاقة على مبنى ماسبيرو الان #occupyMASPERO
- الإثنين 29 يناير 2012:
- RT@Doaa_Sultan_EG منقول: عاجل وغير مؤكد: مواطن يدلي بصوته في انتخابات مجلس الشورى
 
- الناس بتموت بالرصاص وولاد الوس** مضايقين من الشتيمة...عالم "معر**" بنت كلب !..متحركتش نخوتهم واحساسهم المرهف ده لما الناس اتدهست في ماسبيرو ولما الناس اتقتلت في محمد محمود والبنت اتعرت في الميدان !!!! أنا افتخر إني كنت بأشتم ومع الشتيمة وده اقل واجب مع اللي بيقتلوا ويعرو ويدهسو ويسحلو البني ادمين ....اتفو عليكم عالم زبالة...قاعدين مدفين مؤخراتكو في فيللالكو وبيوتكم تنظََّروا علينا وتقول لنا نعمل إيه بالضبط ...ويزيد على مشاعر الناس اللي مش عارفة إيه اللي بيحصل بالضبط...من امتى كان رد الشتيمة الرصاص ؟؟؟ ولو إنت ظابط أو عسكري وانا شتمت المشير..ده يضرك إنت في إيه ؟؟؟؟؟؟؟؟؟؟؟ إيه العلاقة أصلا ..ده لو افترضنا إن ممكن أصلا ييه بقى فيه رد فعل بالسلاح ضد الكلام ........أحد اوسخ الشخصيات في مصر..عمرو اديب ...وعَمَّال يعلي صوته ويغلويش ويأكله بالكلام وخلاص ...مش ممكن يعني كم الوساخة يعني اللي في البني ادم ده !!!
 
- الثلاثاء 30 يناير 2012 و حتى الخميس 9 فبراير كنت في مجاهل الثقب الأسود .

-الجمعة  10 فبراير 2012 :
بيان المجلس العسكري : موضوع تعبير لعيل في رابعة إبتدائي #NoSCAF #Feb11 #SCAFMessage
عاجل : العثور على عدد مجلة "سمير" المأخوذ منه بيان المجلس العسكري الأخير . #SCAFMessage #NoSCAF
-السبت 11 فبراير 2012 :
ميدان التحرير - 11 فبراير 2011 - لحظة تنحي مبارك
 
صورنا في ميدان التحرير لحظة تنحي مبارك من سنة كاملة بالضبط .....لسة واخدهم حالا من عز  ......وكما قال الشاعر فعلا..."يلعن أبومعرفتك يا أخي !!!!!!!! "

 
 
النهاردة الذكرى الاولى لانقسام مبارك ل 19 مبارك صغنينن #Feb11 #Egypt #Mubarak #SCAF
 
 
 
***
تمت

 
 
 
 

Comments

Popular posts from this blog

د. مدحت المسيري .....قصة تحكى

مازلت تتحسس خطواتك في ذلك الأسبوع الخريفي الثقيل من شهر سبتمبر ...يملؤك الخوف والتوجس من مستقبل مجهول ينتظرك ..بين ارجاء هذه المباني الجامدة...تلاحقك العيون أينما ذهبت ..عيون مستكشفة حيناً ...وعيون هازئة مستخفة في معظم الأحيان ....تحاول قدر امكانك التركيز في محاضراتك مع كل هذا الكم الرهيب من المعلومات ..ومع الزحام الخانق والحر الشديد . بين أستاذه تتعامل بتعال لا تفهمه ..واخرون يتعاملون بإستخفاف لا تخطئه عينك ...محظوظون هم من استطاعوا تكوين صداقات جديدة ب هذه السرعة...أو أولئك اللذين دخلواالكلية مع اصدقائهم بالفعل ......تتولى أيام هذا الاسبوع مغذية شبح الخوف من الفشل بداخلك أكثر وأكثر كل يوم ...و مؤججة نار الحيرة بداخلك كل يوم بين الإفراط والتفريط .ولكنك مازلت تذكر هذا اليوم جيداً....تذكره لأن كان نقطة النور في هذا العام ....يوم دخل ذلك الرجل ذو الملامح الغربية إلى قاعة محاضراتك...وبدفء أبوي شديد بدأ يرحب بك وبزملاءك في الكلية ....معززاً ثقتكم بأنفسكم واللتي أوشكت على أن تفقد باكملها في أسبوع واحد ...ومحذراً(دون ترهيب ) من الإفراط أو اليأس ....ثم منزلقاً في خفة للبدء في مادته العلمية …

porn star بين الممثلة العربية وال

ماهو الفرق بين الممثلات العربيات اللاتي يقمن بالمشاهد الساخنة في السينماالعربية وبين ممثلات الأفلام الإباحية -ال Porn Stars - ؟؟؟؟ سؤال تردد فيذهني على هامش الجدل الذي بين صناع السينما في بلادنا وبين المتدينين أودعاة الأخلاق والفضيلة !!....فمنذ دخل فن السينما بالذات إلى بلادنا فيأوائل القرن العشرين والجدل لا ينتهي حول ما يجب أن يعرض على الشاشة ومالا يصح أن يعرض ...والحقيقة أني لا أريد أن أخوض في مواضيع قتلت بحثاًمئات المرات ...ولكن ...السؤال الذي الح علي فعلاً في الفترة الماضية هوما بدأت به كلامي .....ما هو الفارق-أو دعنا نقول أوجه التشابه- بينالممثلات العربيات "الجريئات" و بين الporn stars ؟؟؟
في نظر الكثيرينفأن الممثلة العربية اللتي ترضى إن تعاشر معاشرة الأزواج إلا قليلاً أمامعدسة الكاميرا وترضى أن يراها الملايين في أوضاع يخجل الرجال قبل النساءفي مجتمعاتنا منها -في نظرهم فإنها فاجره لا أخلاق و لا دين لها فلا شيء -فن أو غيره- يصلح إن يكون مبرراً للمرأة في أن تظهر بمثل هذه الطريقةأمام المشاهدين ...بغض النظر عن كون ذلك من المشاهد الهادفة أو لمجردإثارة الغرائز وزيادة المكسب الم…

أحمد شوبير (أو الرجل الذي لا يرى نفسه في المرآة) - بورتريه

شخصية "أحمد شوبير" حارس مرمى سابقاً و مقدم البرامج الرياضية حالياً واحد من أكثر الشخصيات العامة في مصر التي تستحق التأمل و المتابعة. تاريخه في المثابرة و الصبر في النادي الأهلي وقت ما كان لاعب يثير الاعجاب و (أحيانأ التعجب) . حظه أنه ظهر في فترة وجود حارسين عملاقين "ثابت البطل" و "إكرامي" و توقع الجميع إنه مستقبله انتهى قبل أن يبدأ. و لكنه صبر صبراً غير طبيعي حتى أصبح لقبه في الصحافة المصرية "أيوب الكرة المصرية" فانتظر حتى اعتزال إكرامي ثم ثابت البطل ليحرس مرمى الأهلي و كانت أهم لحظة في مسيرته حراسة مرمى منتخب مصر في كاس العالم 90 . بعدها استمر بضع سنوات الحارس الأساسي للأهلي و لكنه بعد ما عاند مع كل شيء و ثابر و انتصر لم يقدر في النهاية أن ينتصر على الخصم الأعظم.."الزمن"، و في عام 1997 اضطر أن يعتزل (مرغماً) بعد قدوم الحارس الدمياطي الشاب عصام الحضري للأهلي .حتى تلك النقطة الزمنية في حياة "شوبير" من 20 سنة قد تبدو حياته حياة عادية لأي لاعب كرة مصري. إلا إن شخصية شوبير لم تكن على الاطلاق مجرد شخصية عادية. سنة 1997 عند اعتزال…